Adreizhañ sistem al leve 'zo unan eus reformoù pennañ e fell lakaat e plas gouarnamant Elizabeth Borne.

Unan eus promesaoù Emmanuel Macron da geñver ar prantad kaballiñ 'vit mont da brezidant e 2022 e oa ar reform-se... Tamm ha tamm e vo kresket ar prantad labour 'vit gellout mont war e leve... A-benn 2030 'ranko an nen chom war e labour betek an oad a 64 bloaz, daou vloaz muioc'h 'vit an oad lezennel 'zo e pleustr betegen. Hag ouzhpenn se vo kresket an niver a drimiziadoù da skodenniñ betek 172 trimiziad... Evit kempouezhañ al lodenn se eus ar reform eo meneget 'vo muzulioù evit an dud o deus komañset da labourat abred hag evit ar re o deus bet micherioù diaes... Petra soñj an dud yaouank eus ar rakres kaset gant ar gouarnamant... Selaouomp testeni daou (z)den yaouank bet enrollet gant Erwan Blanchard... ha da gentañ hini Gwendal, ur peizant 'zo 26 vloaz war ar micherioù diaes.