Emvod kentañ ar broioù keltiek a vo graet en Oriant ! Sell aze ar pezh a oa bet disklêriet gant prezidant Rannvro Breizh Loïg Chesnais-Girard. An emvod-se a vo aozet d’an 9 ha d’an 10 a viz Meurzh. Kouviadennoù zo bet kaset da vinistrez kentañ Bro-Skos, Nicola Sturgeon, ha da brezidant Republik Bro-Iwerzhon Michael Daniel Higgins. Tud ar strollad "Breizh a-gleiz" o deus kemeret ar gaoz war ar sujed. Brav eo aozañ ur seurt emvod « kelt », eme kemennadenn ar goñsailherien UDB ha re « Ensemble sur nos territoires ». Ret e vefe implijout an emvod-se, hervez ar strollad, evit sevel emglevioù ha kenlabourat war dalc’hoù bras an deiz herie, evel an energiezh, ar yezhoù pe ar peskerezh... A-bouez eo skoulmañ liammoù etre ar broioù keltiek tost da Vreizh hervez soñj Gael Briand, dilennad en Oriant ha kuzulier "Breizh a-gleiz" er Rannvro. 

Pennad-kaoz gant Yuna Kojan