Rozenn Milin zo bet anvet prezidantez nevez Kuzul sevenadurel Breizh ! Disadorn 'oa bet dilennet e penn an ensavadur rannvroel a zo he fal reiñ alioù da guzulierien rannvro Breizh 'vit pezh a sell eus ar sevenadur hag ar yezhoù 'ba Breizh. Brudet eo Rozenn Milin 'vit bout bet kazetennerez gant RBO ha renerez TV Breizh. 'Ba penn ar programm Sorosoro eo bet ivez, ur programm da wareziñ ar yezhoù en danjer da vont diwar wel. Nevez 'zo 'neus embannet un dezenn war ar sokiologiezh hag ar sujed 'neus displeget 'zo diwar benn ar simbol da gastizañ ar vugale a gomze o yezh 'ba Breizh ha 'ba Senegal. Bremañ emañ penn Kuzul Sevenadurel Breizh. Ar wech kentañ eo ur vaouez 'zo dilennet prezidantez ! Displeget 'neus da Erwan Blanchard brastres he frogramm...

'Pad an tri bloaz da dont e ranko Rozenn Milin en em gannañ 'vel prezidantez Kuzul Sevenadurel Breizh. Betegen eo gant Bernez Rouz 'oa okupet ar plas.

Un atersadenn gant Rozenn Milin aterset gant Erwan Blanchard.