Bep lun kentañ ar miz e vez dalc'get an abadenn lenn a-stroll e ti-skol an Emsav e Roazhon. Dibabet e vez ul levr e brezhoneg neuze. An dud da gaozeal diwar-benn al levr-se. Gant Annaïg Kervella eo aozet an abadenn-mañ. Dont a ra deus bro-Dreger da Roazhon evit kaozeal gant brezhonegerien ar vro. Komzet e vez eus levrioù skrivet e brezhoneg pe troet e brezhoneg. Pal an abadenn a zo kaozeal diwar-benn hol lennegezh pe al lennegezh etrevroadel. Dilun, neuze, e oa dalc'het an abadenn-se. Dibabet eo bet gant ar strollad studiañ an oberenn "Pirc’hirin ar menez" gant Gunnar Gunnarsson. E daneg eo bet skrivet ar romant ha troet diwar ar galleg gant Pierrette Kermoal . Embannet eo gant ti-embann Aber. Un digarez e oa da zizoleiñ ar skrivagner hag al lennegezh islandek. Selaouomp Annaïg Kervella a zo ba skipailh Lenn a-stroll. Emañ gant Anton Burel.