Kib Frañs ar vell-droad : Stad Plabenneg war-raok !

Un taol-kaer zo bet graet gant paotred Stad Plabenneg a zo e Nationale 3. Bountet o deus skipailh Gwened OC hag a zo e Nationale 2 e-maez ar genstrivadeg gant 2 bal ouzh 0... Ur reportaj gant Erwan Blanchard da selaou AMAÑ.

Roll ar merc'hed e kanaouennoù hengounel Breizh

Peseurt roll o devez ar maouezed e kanaouennoù hengounel Breizh ? Setu tem ur brezegenn a vo kinniget e Ti ar Vro Gwened gant Myriam Guillevic, kelennerez e Roazhon 2, ispisialourez war al lennegezh hag ar c’hanaouennoù-pobl… Ur pennad-kaoz gant Yuna Kojan da selaou AMAÑ.

Ha da glevout ouzhpenn er c'heleier :

- Noel Graet burutellet da heul e gomzoù diwar-benn Zinédine Zidane

- 17 lazhet er Perou e-skeud manifestadegoù a-enep ar brezidantez

- Herie e vo kinniget gant ar gouarnamant e raktres reform ar sistem retrejoù

- Digor eo prosez galv skandal ar Mediator

- Nac'het gant ar prefed reiñ an aotre da sevel teir rod-avel war Menez Hogene, e Louergad

- Ne vo ket difennet chaseal un devezh ar sizhun

- Arriet e vefe grip an evned ba Tonkedeg

Keleier kinniget gant Tomaz Laken