"Ar gourdeioù" evit goût penaos e vo an amzer a-hed ar bloaz!
Emaomp gant ar « gourdeioù » ! Hervez ar gredenn gozh e c'haller goût penaos e vo an amzer e-pad ar bloaz o sellet ouzh an deizioù etre an Nedeleg ha Gouel ar Rouaned, d'ar 6 a viz Genver. An daouzek devezh-se zo sañset da vezañ bep a skeudenn eus daouzek miz ar bloaz nevez... Displegadennoù gant Tomaz Laken ha Yann-Bêr Gwiader.
Ha hiroc'h a c'hallfet deskiñ diwar-benn ar gourdeizioù o vont war blog Bernez Rouz. E 2018 'nevoa skrivet ur gronikenn war ar sujed war digarez e gronikenn Teñzor ar Brezhoneg skrivet, a vez embannet bep Sul er gazetenn Ouest-france...
