Bez' vo festivalioù e-pad an hañv e 2024 !

Hervez ministrez ar sevenadur ha ministr ar sportoù ne vo ket nullet ar festivalioù e-pad an hañv… Met cheñch a raio deiziadur ar festivalioù e 2024 memestra. Hélène Bonieg zo ezel deus kuzul-merañ gouel etrekeltiek an Oriant. Ur pennad-kaoz gant Yuna Kojan da selaou AMAÑ.

Aotreet eo bet metanizer Ploufragan gant ar prefed

Gant meur a gumun tro-war-dro oa bet votet a-enep ar raktres met n'int ket bet klevet gant dileuriad ar Stad war a seblant. Annie Gwilhoù, kenbrezidantez ar gevredigezh Halte aux marées vertes, a lâr deomp abalamour da betra n'eo ket bet souezhet gant diviz ar prefed... Ur pennad-kaoz gant Tomaz Laken da selaou AMAÑ.

Ha da glevout ouzhpenn er c'heleier :

- Tri den zo bet lazhet kostez ur greizenn sevenadurel kurd e 10vet arondisamant Pariz

- Klozet eo bet an enklask war marv degadoù a zivroidi e Melilla gant justis Bro-spagn

- Marc'had zo bet etre an SNCF hag ar sindikadoù

- Serret e vo urjañsoù Landerne da Nedeleg

- Miz zo n'eo ket evabl an dour ken e prizon ar maouezed e Roazhon

- Nevez embannet eo bet gant an Unedic he bilañs deus reform an asurañs-dilabour

Keleier kinniget gant Tomaz Laken