Un uzin metanaat nevez e Ploufragan ?

Eizhtez zo oe bet roet aotre get prefed Aodoù-an-Arvor d'an embregerezh Engie da sevel ur metanizer e takad ar Châtelets, e Ploufragan, e-tal Sant-Brieg. Un uzin a zo sañset da vont en-dro adalek miz Gwengolo 2024. Get meur a gumun tro-war-dro oe bet votet enep ar raktres met n'int ket bet klevet gant dileuriad ar Stad war a seblant. Un atersadenn gant Tomaz Laken da selaou AMAÑ

Gouel Nedeleg e Bro-Pondi

A-benn fin ar sizhun-mañ vo gouel Nedeleg. Ar prantad-se zo un digarez ivez da zizoloeiñ sevenadur hon bro … A-drugarez da atalieroù, prezegennoù pe oberiadennoù a bep seurt ! Deomp d’ober un tamm tro deus ar pezh vo savet gant kevredigezhioù Bro Pondi a-raok nedeleg … ha goude, gant Manaig an Dortz, kenurzhierez Ti ar Vro Bro Pondi. Un atersadenn gant Yuna Kojan da selaou AMAÑ

Ha da glevout ouzhpenn er c'heleier :

- Volodymir Zelenski zo bet e Washington D.C.

- Distroet eo Benjamin Netanyahu er gallout e Stad Israel a-drugarez d'an t-dehou pellañ

- Kregiñ a ra an Harz-labour en SNCF

- Keleier ar sportoù

Keleier kinniget gant Anton Burel