Gant Kip ar Bed Foball ar Wazed e Katar, eo kresket ar pariadennoù sport !

Hervez sifroù diwezhañ Ajañs Broadel ar C'hoarioù, an ANJ, e voe muioc'h eget 3 million a fransizen o pariañ war ar sportoù a-raok ar c'hampionad mell-droad etrevroadel dija. Ar pep niverusañ deuhouto a zo gwazed etre 18 ha 35 ploaz. C'hoariet e voe ganto war dro 240€ bep miz. Met gant ar C'hib Bedel zo riskl e vefe kresket ar sifroù-se c'hoazh. Gant an ANJ e vez rakwelet e vo dispignet 600 million a euroioù gant ar fransizen e pad ar c'hampionad e pariadennoù, padal e oa bet pariet an hanter deus ar sammad-se e 2018.

Anton a vez o pariañ eñ e-unan, a ra 2 pe 3 bloaz zo. Gantañ e vez pariet sammadoù bihan, kuit da goll re argant. Tachañ a ra displegiñ deomp perag eo plijet kement-se a dud gant ar pariadennoù...

Un enklask a oa bet embannet e miz Du er gazetenn « 60 milion a vevezerien» (60 millions de consommateurs). Diskouez a rae penaos, ouzhpenn ma vez kollet argant gant 99% deus an dud, ne vez ket gounezet argant gant ar re o c'hounid o fariadennoù ! Kar hervez ar c'hazetenner, pa vez gounezet argant re alies gant unan, e vez lakaet ul liv ruz dezhañ pe dezhi gant ar savenn pariañ. Ha diaesaet vez dezhañ pe dezhi adtapout ar gounidoù gant ar savenn goude-se.

Un atersadenn gant Tunvezh Gwlagen-Grandjean.