Manifestadeg vras e Gwengamp a-enep raktres norvejianed Smart Salmon

Ouzhpenn mil a dud oa bet o vanifestiñ e Gwengamp disadorn a-enep raktres an embregerezh Smart Salmon da sevel un uzin produiñ 8000 tonenn a eoged bep bloaz e Plouizi. Bet oa Yuna Kojan e-kreiz ar vanifestadeg o kontañ kaoz gant Maiwenn, Tim, Klaod ha Gael. Ur pennad-kaoz da glevout AMAÑ.

Kenleuriz : ur fest vras e Pondi da lidañ labour Kenleur

Disadorn oa bet emvod-meur Kenleur e Pondi, met ivez un abadenn prizioù hag ur fest-noz kaer. Un devezh da lakaat war wel nerzh ar c'helc'hioù keltiek er vro. Tristan Gloagen, rener Kenleur, en deus respontet da c'houlennoù Yuna Kojan. Pennad-kaoz da selaou AMAÑ.

Ha da glevout ouzhpenn er c'heleier :

- Eurodeputeed breinet gant arc'hant ar C'hatar

- Skipailh mell-droad Maroko etrezek eil tro diwezhañ Kib ar bed

- Aloubet ha labezet un uzin Lafarge-Holcim kostez Masilia gant stourmerien ekolo

- Ur poliser dirak lez-asizoù Pariz evit bezañ mac'hagnet ur sindikalist e 2016

- Prizioù ar galloeg oa bet roet gant Rannvro Breizh disadorn

Keleier kinniget gant Tomaz Laken