Ur sinadeg oa bet embannet d’an 19 a viz Here gant tud ar c’henstroll Du Galo en Bertegn. Un destenn ma vez burutellet gante an emglev Stad-Rannvro war yezhoù Breizh a zo meneget ennañ al labour sevel ur panellerezh divyezhek galleg-brezhoneg war an heñchoù bras hag en tier-gar. N’eo ket bet gwall youlek servijoù ar Stad betek-henn... War an hent-tizh, adalek harzoù reter Breizh, eo ret gortoz bezañ kostez Kastellaodren a-raok gwelet panelloù divyezhek. Met en tu-hont da se ha hervez ar c’henstroll Galloeg e Breizh eo nevez a-walc'h an anvioù-lec'h e brezhoneg e reter ar vro hag int bet ijinet peurliesañ. Ha diorren anezhe kuit da lakaat galloeg a dalv kement hag ober deus ar galloeg un dra diwelus. Faot a rafe d'ar strollad e vije lakaet ur panellerezh galloeg e plas en Breizh-Uhel da zigentañ penn. Selaouomp soñj Olier ar Mogn, rener skiantel Ofis Publik ar Brezhoneg abaoe ur c'hrogad mat.

Pennad-kaoz gant Anton Burel