Levrioù da lenn ha da selaou gant Timilenn !
Dek deiz zo e oa Gouel al levrioù e Breizh e Karaez. E fin ar sizhun-mañ e vo saloñs Plistin hag a-benn pemzektez amañ e vo saloñs levrioù Gwenrann. Gant ar saloñsoù-se o deve tro an dud da zizoleiñ newentioù bed an embann, evel reoù an ti-embann Timilenn ! Gant tud Timilenn zo bet savet lennadennoù-fiksion diwar al levrioù graet gante, a-benn sikour ar vugale ha n’eo ket brezhonegerien o zud da gompren mat an istor ha da c'houzout penaos e vez distaget gerioù ha frazennoù. Oberennoù dudius ken ec'h int ! Selaouomp Brendan Gwilhouzig-Gouret deus Timilenn, bet goulennataet gant Anton Burel.
