"Essure : drouk mouget e korf ar merc’hed" : Enklask nevez Splann!

Divizet o deus diskoachañ ha displegañ poanioù 'o deus miliadoù a vaouezed… A-gaoz da imboudoù lakaet en o c'horf kuit da gaout bugale da viken. Un imboud, anvet « Essure » hag a oe produet get Bayer, ur stal apotikerezh kimiek a vro-Alamagn. Get Faustine Sternberg ha Juliette Cabaço-Roger eo bet kaset an enklask, diàr ditouroù kaset dezhe get ur vaouez a Vreizh…

Da lenn an enklask àr Imboudoù Essure àr lec'hienn internet Splann.org

Emañ Juliette Cabaço-Roger get Erwan Blanchard.

Un atersadenn da selaou amañ.

Harz-labour : manifestadegoù e Breizh a-bezh

Un harz labour holek ‘oe dec’h, e Bro c’hall a-bezh. Tri c’hant mil manifester oe er streadoù, hrewé sifroù ar CGT, ha kant mil hrewé ministrerezh an diabarzh.

Ohpenn deg mil pemp kant a vanifesterion ‘oe e straedoù Breizh dec’h… Hrewé sifroù an Télégramm.

Bilañs ar vanifestadeg e Roazhon gant Anton Burel  da selaou amañ hag e Kemper gant Tunvezh Glwagen-Grandjean, ar reportaj 'zo amañ.

Keleier kinniget deoc'h get Yuna Kojan.