Dremmwel zo unan deus strolladoù arouezhius al leurenn vreton e bro Gerne Izel. Muioc'h evit tregont vloaz 'zo e pign ar pevarad war leurennoù ar festoù-noz pe ar salioù koñser. Ul liv sonerezh hag a c'heller anavezout aes gant son telenn Marin Lhopiteau. Ha nevez 'zo e kenlabour ar strollad gant ur ganourez yaouank deus bro Vigouden, Klervi Rivière. 
Goude un hañvezh o treiñ kalzig war al leurennoù, ne baozont ket : div sonadeg a zo raktreset ganto e fin ar sizhun. Bet eo Tunvezh Gwlagen-Grandjean o welet anezho e pad o fleustradeg. Kontiñ a ra Klervi Rivière penaos eo en em gavet da labouriñ gant ar pevarad sonerien. Dremmwel ha Klervi Rivière a vo e Gouesnac'h disadorn d'abardaez, en Ty Theatre, ur sal vihan dalc'het gant ur strollad margodennoù. Ha disul e vint e Sant Wenole e Penmarc'h, en ostaleri e ti Cathy. Ur reportaj gant Tunvezh Wlegen-Grandjean.