Evit ar beure e kasomp ac'hanoc'h d'ur pardon a vez graet bep bloaz en un nebeud parrezioù eus kreiz ar vro. Hini Sant Preker ! Hennezh n'emañ ket war roll ofisiel ar sent met enoret e vez gant an dud vunut memes tra, hag abaoe pell pell zo.

Ar gouel aozet da Sant-Preker, koulskoude, a c'hallje bezañ bet lañset nevez zo e gwirionez... 4 bloaz zo, eme darn. Peotramant 400 vloaz zo, evel a soñj reoù all. Disadorn bepred e oa deuet pirc'hirined deus pell a-benn lidañ o sant ! Ha bet int servijet : Gant pedennoù pagan, kanaouennoù nevez gompozet da gontañ istor Sant Preker hag e vurzhudoù, ur brosesion war velo, sonerezh, kig rostet, hag ur pezh aerouant lakaet da arouez ar gapitalouriezh ha devet e fin an nozvezh !

Klevet 'peus Ffran hag Anza, a oa disadorn ba pardon Sant Preker... Ur reportaj gant Tomaz Laken-Jakez.