Lidet zo bet obidoù Yvon Morvan 'ba chapel Burthulet 'ba Sant-Servez dec'h... 'Ni yaouankañ eus ar vreudeur Morvan 'zo aet d'an Anaon digwener tremenet. Dec'h eo war dro 300 a dud 'oa bet o rentañ enor dezhañ. Gant e vreudeur 'neus Yvon kanet 'pad muioc'h 'vit 60 vloaz da geñver miliadoù a festoù noz. Dre se 'oa deuet Yvon hag e vreudeur da vout mil vrudet beket bezañ lakaet da unan eus arrouezioù sevenadur Vreizh. Pezh 'zo sur eo o deus levezonet ur bouchad dañserien ha kanerien... Zoken e-touez ar re vrudetañ evel Alan Stivell...Ar vreudeur, 'zo a orin eus Botkaol 'ba Sant-Nigouden, eo dibosupl distagañ an eil deus egile anezho...Selaouomp un nebeud testenioù tud bet o rentañ enor da Yvon Morvan, neuzen. Serret int bet gant Erwan Blanchard dec'h...

Aze 'peus klevet Sylvain ar Rouz, Izabel Lucas hag Alan Stivell o rentañ enor da Yvon Morvan ha d'e vreudeur war un dro. Chom 'ra bev unan eus ar vreudeur Morvan memestra. Henri 'ni eo 'vo 91 bloaz ar bloaz mañ...