Lañset eo festival Fisel e Rostrenn !
E Rostrenn dec'h e oe bet roet lañs d'an hanterkantvet Festival Fisel ! Ur fest da lakaat àr wel an terouer Fisel èl-rezon.. Mes ur fest digor frank àr hengounioù muzik ar bed a-beh ! Bout 'vo ur sonadeg gant an arzour libanat Bachar Mar-Khalifé en dibenn-suhun.. mes ivez festoù-noz ha koñserchoù e gwasked karavanennoù brudet ar festival. Ohpenn e vo ur bourmenadenn, stajoù, koñkourioù, ha kalz a draoù souehus èl ur genstrivadeg c'hoari-video pe c'hoazh ur c'hoñkour youc'hadennoù... Dec'h vintin oe kroget ar gouel, e-kreiz marc'had Rostrenn. Armelle Lukaz, a guzul-meriñ ar Fiselerezh, a gomz damp a c'hoant ar gevredigezh da harpañ strollajoù neué krouet pe nebeut anavet er vro…
Ur pennad-kaoz savet gant Tomaz Laquaine.
