Ma fell deoc'h gouiet hiroc'h war ar brezhoneg e vo ret deoc'h mont d'ur brezegenn savet gant Spered Kewen ! Ar gevredigezh a lak war wel ar brezhoneg, dreist-holl brezhoneg eus bro Gwened. Dre festoù, dre gentelioù a bep seurt. Ha dre brezegennoù ivez ! E miz c'hwevrer e oa aozet ur brezegenn war istor ar vro etre ar c'hwezekvet hag ar seitekvet kantved hag unan all e miz meurzh war istor ar yezh ar wech-mañ. Istor ar brezhoneg etre an Antikite betek bremañ ! Buhezet eo bet ar brezegenn gant Michel Le Coz. Deomp da selaou doc'h Pierre Le Gall, prezidant Spered Kewen, doc'h mikro Yuna Kojan. Ur bochad traoù zo da gonta war istor ar brezhoneg evel-just !