Digwener e oa bodet ar guzulierion rannvro a gemer perzh er gomision sevenadur ha sport. Ingal eh aont àr an dachenn da welet penaos vez dispignet ar sekourioù argant ha da betra deus afer ar c'hevredigezhoù. Daet e oant da vro an Alre evit gouiet hiroc'h diàr-benn akademiezh sonerezh hag arzoù sakr e santez anna gwened, d'an alre iwez da welet ar labourioù kaset da benn evit mirout porzh sant goustan, ha d'an ekomirdi staliet ba pennher Sant Degan e Breizh, lec'h ma vez diskwezet an dud penaos ha ba peseurt tier veve an dud gwezhrall. Joel Marc'hadour oa e-mesk an dilennidi. Doc'h mikro Yaelle ar Mouel.