A-houde pell pell eh eus tud e jiboesat (chaseal) e Breizh. Distroiñ a ra goulennoù kizidig er lec'h foran, daoust hag e vehe ret difenn ar jiboes? Penaos e ramp evit meriñ ar moc'hed-gouez pa veent re niverus? Muioc'h da glevet ar sizhun-mañ a-barh Pennad-kaoz ar sizhun (get Tomaz Laken - RKB). Trouz a zo e Sant-Inan àr-dro d'ur raktres pont a-us lenn Gwerledan, etre Mur & Sant-Inan. Ur pont feson "himalayenne" a zo raktreset bout marse staliet ken an hañv 2023, a vehe digor d'an dud nammet ivez. Pezh a zo eh eus ur c'henstroll tud o deus n'em aozet evit añse gouiet hirroc'h àr ar raktres: enep emant dreist-holl a-gaoz d'ar feson da lakaat tud ar vro b'ar jeu. Muioc'h a zo da glevet, get Christophe Guilloux ezel ar C'henstroll "Non à l'himalayenne", doc'h mikro Yuna Cojean. Adkavit ar c'hronikennoù War hentoù an Antroposenn get Loeiz Belleg, ha psikologiezh get Clément Guillanton, doc'h mikro Maëlle Ausias ag RKB. Keleier ar vro hag ar bed get Tomaz Laken ivez.