Degemer minored dibaper a zo labour an departamantoù, en liamm gant an ASE (Aide Sociale à l'Enfance). Ret 'vez neuze skoliata anezho, soaniñ anezho ha desevel anezho. Pezh 'zo, 'n eus ket trawalc'h a blas en oaledoù, neuze a wezhoù, e vez parket ar re yaouank dibaper 'ba letioù. Ha pa soñj servijoù an departamant, n'int ket minored e skarzhont anezho, d'un deiz d'un all hag e n'em gav ar re yaouank er straed. E Aodoù an Arvor eo bet trec'h an tu-kleiz en dilennadegoù departamantel diwezhañ hag eo bet soñjet gant ar c'hevredigezhioù e zegemer tud yaouank e vefe aesoc'h labourat asambles hag aesoc'h an degemer evit ar re yaouank. Padal, eo bet skarzhet minored e-pad an hañv hag e kreiz ar goañv. Guilhom Bricaud ha Maïwenn Salomon deus ar gevredigezh Kengred a zispleg deomp an afer ha Gael Le Jeune a zegemer ur paotr yaouank mare-mañ ha kont a ra deomp penaos tremen an traoù eviti.