Daou soñj a rahet moarhat goude bout bet klevet disoc'hoù enklask ar SELL (sindikat embannerion ar meziant hag an dudi). Tost an hanter ag ar gamerion (an dud a ta get c'hoarioù video) a zo gamerezed e gwirionez! Ha n'eo ket tout. Muioc'h en atersadenn kaset get Yuna Cojean e kompagnuniezh gamerion Gwenvred ha Damien. Muioc'h de c'houied ivez b'an abadenn tro-dro d'ar luskad "Un ti da bep" hini a c'houlenn groñs ma vo lakaet e pleustr pezh a zo dleet evit doujiñ doc'h ar gwir d'en devout ur lojeiz dereat e Breizh. Muioc'h a-barh Pennad-kaoz ar suhun keniget get Tomaz Laken (RKB) get Nil Caouissin, kuzulier-rannvro UDB ha Gael Roblin, kuzulier-kêr e Gwengamp. Muioc'h a zo de glevet ivez a-ziàr romant Jorj Abherve-Gwegen, Morlenn (An Alarc'h Embannadurioù)