Ar cheñchamant lusk 'vit ar skolioù mamm ha kentañ derez 'zo da vezañ lakaet en pleustr gant an tiez-kêr 'benn miz Gwengolo kentañ. Pe, moiaen 'vo d'ar re fell dezho gortoz ur bloavezh lakaat ar sistem da vont en-dro 'benn miz Gwengolo 2014. Tremen eus ur sizhunvezh gant pevar devezh skol da pevar devezh skol hanter n'eo ket mann ebet. Ha n'eo ket ar Stad, a diviz, a lak an traoù da vont en-dro war an dachenn. O prientiñ an traoù emaint an tiez-kêr. Ha n'eo ket sur 'vo prest an holl 'benn 6 miz. Deomp da wel peseurt mod 'vo graet 'ba Lanniliz 'ba Bro-Leon. Ha petra soñj Klaod Giavarc'h, maer ar gumunn ha kuzulier meur PS.