Er bleadoù 1970 he doa kroget an delennourez get ar grouidigezh-mañ. Chomet e oa a-sav. E 2007 oa waet Kristen Noguès d'ur bed arall. Ha daet eo ar soñj get Jacques Pellen kas ar labour-mañ en-dro. Evit en ober neus pedet ar strollad One Shot hag ar ganerez Annie Ebrel. Ar rannoù zo tennet ag ar Barzaz Breizh : ur seurt deviz etre ur plac'hig hag un drouiz ingalet en daouzek lodenn. Sekouret eo bet ar sonerion get ar gevredigezh Polyculture evit sevel an arvest. Teir gwezh oant bet degemeret doh penn ketan ar blez evit prantadoù labour pe residence. 'benn digwener e vo moaien da zijoleiñ frouezh ar labour-mañ en arbenn ag ar festival jazz Arts des villes, Arts des champs, ba Malgeneg, savet get Polyculture just a-walc'h. Annie Ebrel noa lâret hiroc'h da Merwyn Sauerbrey a RBG pa oa daet e residence. http://malguenacfestival.free.fr/