An dilennadegoù rann-vro ha departamant 'zo da vezañ dalc'het e miz Even. N'eo ket kroget c'hoazh ar prantad kabaliñ met listennoù a vez krouet. An UDB da skouer a zo nevez liammet get Europa Ekologiezh-ar re C'hlas hag ar strolladoù « ensemble sur nos territoires », Nouvelle Donne ha Bretagne Ecologie. Gael Briand, ezel an UDB, zo pennlistenn evit departamant ar Morbihan. Claire Desmares-Poirrier, Ronan Pichon ha Valérie Tabart zo ivez pennoù listenn àr al listenn-se. Gael Briand 'zo dilennad b'an Oriant. Displegañ a ra deomp petra eo e soñj àr an dilennadegoù rannvro ha departamant-mañ. ha perak eo an UDB en em glevet get ar strolladoù ekologel. Gael Briand, penn-listenn evit departamant ar Morbihan, a oa ouzh mikro Yuna Kojan. Ur bern sujedoù 'vo studiet evit program al listenn. Re ar feurmoù usin pe al lojeiz da skouer. Gael Briand en deus kemeret perzh en ur vanifestadeg e Laoulan, a-enep raktresoù feurm-usin. Esteuret en doa e soñj àr rektres ostel luks gant ar stal Giboire àr Enez Verder.