Abaoe penn kentañ ar blez eo bet lakaet ar Brexit en pleustr evit mat. Daoust ma 'oe bet kuitaet an Unvaniezh Europad get Breizh Veur blez 'zo dija, e oa bet laosket ur bloavezh ouzhpenn d'ar vro amzer dezhi kavout un emglev get an Europ. Chomet oa get ar memes gwirioù betek an 31 a viz Kerzu daou vil ugent 2020. Bremañ, e oar ar vreizh-veuriz petra eo bout bet kuitaet Europa evit gwir. « Met dre m'eo bet sinet an emglev ur sizhunvezh a-raog deiziad ar Brexit, n'eo ket bet titouret mat ar boblañs », a lâr Gwawr... Emañ ar Gembreadez deus mikro Tunvezh Gwlagen-Grandjean.