Abaoe dilun e rank ar vugale 'zo koshoc'h 'vit 6 vloaz bout gant ur maskl p'emaint 'bar skol. Kement mañ 'oa divizet gant ar gouarnamant ar sizhun dremenet 'vit terriñ red ar c'hovid 19 ha gwareziñ ar skolidi hag ar skolaerien. N'eo ket an holl dud 'zo a-du gant an diviz se. Ur stroll kerent bugale 'zo 'bar skolioù kentañ derez 'ba Landerne 'zo bet savet ar sizhun-mañ 'vit goulenn gant ministr an deskadurezh 'vefe ket ur redi d'ar vugale bout gant ur maskl a-hed an devezh. War un dro e c'houlennont, ivez, ma 'vo gwarezet gwelloc'h ar skolaerien. Muioc'h a displegadennoù gant Brendan 'zo ezel eus ar stroll-se. Ouzh mikro Erwan Blanchard emañ.. Gervel 'ra ar gerent 'zo izili eus ar stroll manifestiñ hudu da 6e goude merenn dirak an ti-kêr 'ba Landerne. Ur vanifestadeg hag a zo aotret ha disklaeriet ez ofisiel. Goulenn 'ra aozerien ar vodadeg gant an dud fell dezho mont da vanifestiñ ganto doujañ d'ar jestroù gwarez ha dougen ur maskl.