Gouel ar re varv e oa disadorn, d'an un ha tregont a viz Here. Daoust d'an enkañ bet lakaet e plas gant ar Stad c'hall abaoe dirgwener, e oa distanaet ar reolennoù evit ar fin ar sizhun da genver gouel an Hollsent. Chomet oa ar beredoù digor, hag aotreet oa an dud da vont dreist d'ar c'hilometr pellder deus o zi, a-benn mont beket bezioù o re varv. Evel just n'o deus ket gellet ar vugale pourmen dre ar straedoù, gwisket e tasmantoù pe sorserezed da spontan o amezeien. Met diriaou, devezh kentañ an enkañ, e oa aozet gant Ekomirdi Sant Rivoal un atalier evit ar vugale, da fardañ leternoù gant pennoù-betarabez. Displegiñ a ra Christophe ar Wern deomp penaos e oa deuet ar soñj-se dezhañ. Emañ deus mikro Tunvezh wGwlagen-Grandjean.