Eil tro an dilennadegoù kêr 'vo dalc'het 'benn disul. Dre vraz ne chom meit 15% deus ar c'humunioù lec'h c'hallo an nen dibab o maer pe o maerez hag o skipailhoù. 'Ba Kemper zo teir listenn 'neunt bet muioc'h evit 10% deus ar mouezhioù dre se dibabet 'vit kemer perzh 'ban eil tro. Gant an tu dehou hag an tu kleiz 'zo bet rastellet, gant pep listenn, 30% deus ar mouezhioù. Strollad ar Republik o Vale, 'zo aet gantañ 13% eus ar mouezhioù. Nebeud a chañsoù 'zo gant strollad Emmanuel Macron kaout an tu kreñv 'bar c'huzul kêr. Met evel ma oar an nen zo bet darvoudoù etre an div dro ar C'hovid 19. Gant Ludovic Jolivet, maer Kemper eus an tu dehou abaoe 5 bloaz, eo lakaet war wel ar pezh a zo bet graet gantañ dija e kerzh an enkañ da zerc'hel yac'h an ekonomiezh. Maryse Kolin a zo war e listennad...