E penn kentañ miz Mae 'oa bet embannet ur pezh pennad war Libération en-linenn, da souten ar gazetennerez Inès Léraud, lakaet prosezioù dezhi ha gwask warni dre vras, abalamour d'he labour war-dro d'ar gonezvoued ha d'al labour-douar e Breizh. Sinet 'oa gant a-bep seurt tud, tud ar mediaioù, dilennidi, skiantourien, sindikalourien/ezed, sitoianed ha sitoianezed. E-mesk labourioù all 'deus studiet Inès Léraud, aferioù an dud klañv diwar bestisid er stal triskalia, afer ar stal werzhañ frouezh ha legumaj chéritel, pe ar bezhin glas. Evit mont pelloc'h er souten da Inès Léraud ha difenn ar gwir d'ar gazetennerien ha kazetennerezed d'ober o labour da gelaouiñ an dud, 'oa bet lañset diriaou ul lizher a-berzh kazetennerezed ha kazetennerien, evit rannvro Breizh. Gwenvael Delanoe, kazetenner anezhañ, 'neus lañset soñj al lizher-mañ, displegadennoù gantañ deus mikro Tugdual Karluer