0% eus talvoudegezh an destenn bet kizellet war Mein ar C'haro en 18vet kantved 'ba Plougastell 'zo bet kavet hervez kont! Embannet eo nevez 'zo anv an daou den 'neunt gounezet an "Difi Champollion" kaset gant kêr Plougastell-Daoulaz: ar pal 'oa kompren an destenn se. 600 a dud 'noant lakaet o anv 'vit kemer perzh 'ban difi. 61 respont klok 'zo bet kaset d'ar juri 'neus dibabet priziañ daou ginnig: hini René Toudig eus un tu hag hini Roger Faligot. 2000 euros 'oa da c'hounit gant an difi, 1000 euros 'zo aet gant an daou loread. Roger Faligot 'neus divizet reiñ an arc'hant da Skol Diwan. Berz 'neus graet ar genstrivadeg hag ur sapre taol bruderezh 'vit Plougastell-Daoulaz: war dro 200 reportaj 'zo bet sevenet gant mediaioù eus ar bed a-bezh.