'Benn nebeut 'komañso ar broduerien legumaj 'ba Bro Leon ha lec'h all hadañ. Dañjer 'zo 'vefe debret ul lodenn vat eus 'pêzh 'zo hadet gant ar chouka. Abaoe bloavezhioù`'zo graet distruj gant an evned se. Hevez Kambr al labour douar 'ba Penn ar bed eo 660 000 a distruj 'vez bep bloaz gaozen d'ar chouka. Se 'zo kaoz 'klask goût ar beizanted peseurt mod en em dizober eus ar chouka. Ar sizhinn 'mañ 'oa dalc'het un emvod displegañ d'ar beizanted 'ba Gwinevez, aozet 'oa gant ar gevredigezh Prever, ur gevredigezh da gelaouiñ an dud diwar ar maez ha da skoazell 'nezho. Da gentañ selaouomp Jean-Jacques Riou, peizant anezhañ.