Brasaet eo plas ar brezhoneg e kerzh ar prantad kabaliñ evit dilennadegoù kêr Gemper, e keñver ar plas en oe 6 bloaz 'zo. Gant ar gevredigezh Brezhoneg War Wel (BWW) oa bet kaset ur goulennaoueg d'an holl listennadoù, kazi. Diwar an eizh listennad war ar renk ne oa ket bet kaset ar c'houlennaoueg da listennad ar Rasamblemañ Nasional. Unan deus al listennadoù all n'he doe ket bet amzer da respont dezho kenebeut. O paouez bezañ embannet respontoù ar c'hwec'h listennad a chom emañ BWW, ha priziet he deus anezho dre ur c'hod liv. Liv gwer, orañjez pe ruz a oant da resevout hervez o youl embannet da souten ar brezhoneg. An holl 'n eus bet al liv gwer. Yann Gwilhamot deus BWW a zo deus mikro Tunvezh Gwlagen-Grandjean.