Kampionad etrevroadell Back Hold 'vo dalc'het 'vit an trede gwech eus renk e Gwengamp 'benn warc'hoazh. Aozet eo gant skol gouren Louergad asambles gant Kevread Gouren Breizh. 200 gourener 'zo gortozet e sal Pierre-Yvon Tremel, en o zouez gourenerien o tont eus Europa. Ar Back-Hold 'zo ur gouren eus Bro-Skos hag eus hanter noz Bro-Saoz. Pal ar jeu eo lakaat ar gourener all da gouezhañ pe lakaat 'anezhañ pe 'anezhi da ziskregiñ eus ar roched. Aozañ seurt darvoudoù 'zo talvoudus kaer 'vit ar Vretoned hag ar c'hourenerien all 'vel 'pezh 'zo displeget deomp gant Maïwenn Salomon, kelennerezh gouren anezhi e skol Louergad. Ouzh mikro Erwan Blanchard emañ. 'Benn an 11 hag an 12 a viz Ebrel 'vo dalc'het Kampionad Europa Gouren ha Back-Hold 'vit ar re yaouank 'e Gwipavaz, 'kichen Brest.