'Benn ar 15 a viz Meurzh 'vo dalc'het tro gentañ an dilennadegoù kêr. Birvilh 'zo 'bar c'humunioù 'vit sevel listennadoù danvez kuzulierien. Ha birvilh surmat 'ba penn an danvez dilennidi 'vit sevel ur programm da reiñ c'hoant d'an dud votiñ 'vito. Komañset eo ar prantad kaballiñ. Kinniget 'zo emvodoù gant ar boblañs gant an izili eus al listennadoù 'vo war ar renk 'benn kreiz miz Meurzh. Gall 'ra an nen kemer perzh 'bar prantad se hep bout war ar renk ivez. Setu 'pezh 'neus divizet ober Bernez Kerdraon 'ba Plougastell, chouk Brest. Bernez 'zo ampechet se 'zo kaoz 'neus bet c'hoant mont sa an dud 'zo e penn al listennadoù 'vit goulenn ganto sevel ur gwir politikerezh evit aesaat buhez an dud ampechet 'ba Plougastell. ha war un dro kuzuliañ 'nezho. Emañ ouzh mikro Erwan Blanchard.