Dimerc'her 'oa skipailhoù Lise Diwan war dachenn ar C'herzu Bihan 'ba Brest 'vit kemer perzh 'ba kampionad Breizh Rugbi 7. Hag evit ar wech kentañ 'oa kinniget skipailhoù merc'hed gant al lise 'zo 'ba Karaez. Ur pempzek bennaket a verc'hed 'neunt dibabet mont da deskiñ c'hoari Rugbi gant unan ar gelennerien war ar sportoù. Abaoe penn kentañ ar bloavezh skol 'zo kinniget pleustradegoù gant Louis Corre, c'hoarier rugbi anezhañ. Bep yaou noz, war lerc'h an devezh skol, en em gavont gant ur pempzek bennaket a baotred 'vit c'hoari, mesk-ha-mesk. Petra 'zo krog 'ba liseadezed Diwan mont da c'hoari Rugbi ken niverus! Selaouomp, da gentañ, Nolwenn Pellard 'zo e klas termen. Gant Erwan Blanchard. 'Oa ket aet ar maout gant merc'hed Diwan an taol 'mañ da geñver Kampionad Breizh. na gant ar baotred. Ur chañs all 'vo roet dezho 'benn bloaz...sur dac'h!