KoronavirusKenderc'hel a ra ar c'horonavirus d'ober distruj e Bro Sina. Evit poent zo marvet 132 den gant ar virus. 5970 den vefe skoet gant ar c'hleñved e Bro Sina (aet vefe a-us an niver a dud skoet gant ar c'horonavirus da gleñved ar Sras ( hag a oa bet 15 bloaz zo). 4 den zo bet kavet enno ar virus e Bro-C'hall : 3 kostez Pariz hag unan e Bourdel. Ne vefe ket o buhez en arvar. Un emvod a vo hiriv (Yaou) gant pennoù bras gouarnamant Bro Frañs evit studiañ an doare da stourm enep d'ar virus e Bro Frañs. Pal an emvod vefe ivez kaout un doare da verañ tud bro Frañs hag a vefe o foetañ bro pe o vevañ e Bro Sina. Divizet en deus Bro-Alamagn nullañ an holl girri-nij hag a zafe da Vro Sina. Keridwen François Merlet a zo o studiañ e Doubl master war ar skiantoù Politikel hag e Fuden University e Shanghai. Graet he deus e vloavezh gentañ e Pariz hag emañ oc'h ober e eil bloavezh e Shanghai e Bro Sina... Keridwen François Merlet atersed dre WhatsApp gant Neven Penneg. Distreiñ a raio Keridwen François Merle gant ar c'harr-nij digwener e Breizh e Naoned. Degemeret e vo gant e familh.