Ne ya ket war zinec'haat ar C'hallaoued gant an amzer, da geñver raktres lezenn ar gouarnamant da cheñch ar sistem mont war e leve. Dreist-holl bremañ p'eo bet embannet gant Kuzul ar re Fur, penaos ne oa ket bet savet an destenn en ur mod sirius a-walc'h. Digwener en eus Kuzul ar Vonreizh roet d'an holl da c'houzout disoc'h e labour da studiañ an destenn lezenn. N'en eus ket roet e soñj war ar an danvez met war ar stumm, hag hervez kont 'zo peadra da lâret dija evit desachiñ evezh an holl. Ne vefe ket solud a-walc'h ar raktres a fed mod da arc'hantiñ ar sistem nevez, na ne vefe ket hervez lezenne. Luziet betek re ha displann e vefe ouzhpenn an dra-se : kalz diaesoc'h eget bremañ e vo d'an dud goûzout en a-raog pegement e c'hounezint evit o leve. Ur soñj, hini ar re Fur, hag a selvij mat hini enebourien al lezenn. E Kemper, e oa kontant an dud o vezañ 2000 er straedoù o tibuniñ, muioc'h eget d'an devezh stourm diwezhañ. Annaig, skolaerez, a zispleg perag e kompren he c'henseurted ha zo chomet hep diskregiñ gant al labour ar wezh-mañ. Gant Tunvezh Wlegen-Grandjean.