Da zigarez keleier diwezhañ ar bloaz, lakomp ar gaoz war ar re a glask degas ster en dro e maread Nedeleg, ur maread ma 'z eo deuet ar boaz da zispign un tamm mat argant. E Roazhon, 'n eus skipailhad al lec'h sokial ha sevenadurel The Roof degemeret tri marc'had Nedeleg divoutin dibaoe penn kentañ miz Kerzu. Unan gant produioù tennet deus ar c'henwerzh reizh, gant ar gevredigezh "Artisans du Monde", hag an daou all gant div gevredigezh arzourien ar vro. Er fin ar sizhun-mañ e voe arzourien ar strollad "Art2Rennes" o tiskouez o labour e savadurioù kozh an Hostel Doue. Olivier Lhopiteau a zo unan deus krouerien The Roof. Laret a ra deomp da gentañ petra zo cheñchet evito gant mare Nedeleg.