E miz Gwengolo 'oa roet lañs da adreizhañ ar vachelouriezh 'ba holl liseoù Bro-C'hall. Disoc'h eo gant ar rummadoù L, ES hag S, 'bal liseoù o kinnig un deskadurezh hollek. Al liseidie kentañ klas ar bloaz-mañ a ranko ober gant stumm nevez aozañ al lise. Pezh a zo nevez da vat gant an adreizhañ eo eo lakaet war wel an notennoù boutin tennet eus ar c'harned skol, notennoù hag a yaio d'ober 10% eus ar vachelouriezh. 30 % eus ar poentoù gounezet 'vit kaout ar bak 'vo diwar an notennoù tapet gant ar sistem E3C, hag ar peurrest gant arnodennoù dre skrid 'vit ar galleg e kentañ klas ; tri danvez all hag un arnodenn dre gomz e fin ar c'hlas termen. Ha prest eo an holl d'ober gant stumm nevez ar bak? Nebeut war lerc'h ar vakañsoù Nedeleg 'vo dalc'het an amprouadoù kentañ. Piv eo ar re 'zo stennet ar muiañ : ar gelennerien pe al liseidi? Ur reportaj gant Erwan Blanchard 'ba lise an Elorn 'ba Landerne. ha da gentañ soñj Matthieu Andre 'zo kelenner war an Istor-Douaroniezh.