A-c'houde ar Meurzh 12 a viz Gourhelen emañ Franck Le Borgne é arsav debriñ. Hennezh a zo e penn an embregerezh One network energies staliet e Planvour. Gete vez staliet pannelloù heol. Faotiñ a ra dezhoñ ma vo liammet ar greizenn neus savet da broduiñ tredan get an heol get ar rouedad ERDF. Ar gwir-mañ noa tapet e-raok ar moratoire bouezhet e miz an azvent paset get ar gouarnamant. Get an destenn-se, n'eo ket mui ERDF rediet da breniñ an tredan produet get kreizennoù a-seurt-se get ur priz lakaet en a-raok. Get tri den arall neus postet Franck Le Borgne ur million pemp kant mil euro en afer. C'hoant neus da reiñ da glevet mouezh patroned an antreprizioù bihan a laboura en dachenn ekonomikel-se. Dimerc'her oa un dolpadenn e Sant Aleustr. Yaëlle ar Mouel oa àr ar lec'h. Fotoioù : (1) Franck Le Borgne (an eil doh an tu-kleiz), ambrouget en e stourm. (2) é stankin an RN 24, etre Logunec'h ha Sant Aleustr. tennet get Yaelle ar Mouel.