Muioc'h 'vit pemp kant martolod yaouank o deus kemeret perzh 'ba kampionad Frañs ar bagoù dre lien 'ba Brest. Ar sizhun dremenet 'oant bodet 'ba porzh ar veilh wenn ha kaset o redadegoù 'ba lenn-vor Vrest. E-bourzh bigi laser 4.7 pe c'hoazh bagoù laser radial o deus stourmet 'vit ober ar gwellañ koursou. Josef Dietsch, ur paotr yaouank eus klub Brest nautisme, 'noa gounezet e blas 'vit ar redadegoù laser 4.7. Erruet eo en 43de plas fin ar gont, diwar 66 kenstriver, goude ur sizhunvezh bageal. Kontet 'neus da Erwan Blanchard ar mod eo tremenet e jeu.