Betek kazi 400 post labour a zo gant ar riskl bezañ tennet digant ar Radioioù publik. Diriaou tremenet he deus patronez an ti Radio Frañs embannet sklaeroc'h penaos vo graet ganti evit esperniañ 60 million a euroioù bep bloaz. En he steuñv, sañset da vodernizañ ar rouedad radioioù, e respont Sibyle Veil d'an disgresk er budjet degaset dezho gant Ministrelezh ar Sevenadur. Muioc'h evit an drederenn deus an espern argant-se a vo kavet diwar goust an implijdi. Roet vez memes tra an dibap d'ar sindikadoù : ma vez asantet ganto d'ober strivoù, ne vo ket kement a bostoù kollet. Selaoump pezh a soñj Tudi Kreker, kazetenner en ti Frañs Bleu Breizh Izel ha dileuriad evit ar sindikad CGT.