Renket eo an traoù evit ospital ar Gemene. Goude un nebeut kudennoù evit en em glevet gant an departamant war an nivera blasoù, e voe bet aotroù maer ar gumun, Reun Moulleg, betek herzel da zrebiñ e pad un nebeut devezhioù. Koant voe desachiñ evezh an holl war bouez an ospital evit ar gumun ha Kreiz Breizh en e bezh. Ur plas braz 'n eus an ospital e buhez ekonomikel ha sokial ar vro, pa ouier e ra labour da 250 den hiriv an deiz, hag e un aezamant evit an dud gellet bezañ kemeret en karg tost deus o familh. Un tamm sell war an afer gant Tunvezh Wlagen-Grandjean. Dilun, evit lidañ ar c'heloù mat voe bet plantet ur wezenn war dachenn an ospital da zont. Kavet vo ennañ 150 plas ehpad, 40 plas er selvijoù yerc'hed, ur selvij klañvdiourien er gêr, ur gegin hag ur gannerezh da welc'hiñ al lizherioù.