Roazhon a zo kampion Kib foball bro C'hall ! 48 bloavezh 'zo ne voe ket c'hoarvezet. Hir eo bet krogad ar gourfennoù disadorn d'abardaez, mez deuet eo benn ar skipailhad ruz ha du deus e enebour mil vrudet, ar PSG. Kroget voe fall evit ar Roazhoniz, pa voe bet lakaet daou bal gant ar Barizianiz kerkent an 20 munutenn gentañ. Mez n'o deus ket kollet o c'hoant nag o nerzh anezho, hag int deuet en dro. Echuet amzerad ar c'hrogad gant an disoc'h 2 da 2, en ur dennañ er palioù neuze eo zo bet renket ober an difoc'h etre an daou skipailh. D'ar 6vet tennadenn eo, 'n eus Nkunku, c'hoarier ar PSG, roet ar maout da Stad Roazhon en ur dennañ e kichen ar pal. Ur c'hrogad neuze hag a ro un disoc'h spontus da sezon ar PSG, gwall fall betekhen dija, dibaoe ma voent bet skarzhet abred deus ar C'hampions Leag. Stad Roazhon 'n eus eñ roet un sapre troiad fromadennoù d'e suporterien, en ur zegas ur c'hib na voe ket bet gounezet ganto dibaoe ar bloavezh 1971. Ha sur-walc'h o deus da drugarekaat evit an dra-se an 30 000 breton pignet da Baris evit reiñ nerzh dezho disadorn. Fabris Kadou a voe en o zouezh. Unan all hag a oa kontant tre gant disoc'h ar c'hrogad disadorn a oa François Pinault, perc'hen war Stad Roazhon dibaoe 21 bloaz. Ur skeudenn vat evit ar miliardour gall.