14 ezel eus ar c'hevredigezhioù a stourm a-enep ar raktres da sevel ur greizenn d'ober tredan gant gaz 'ba Landi 'oa galvet da vont d'an archerdi ar sizhun dremenet. Tamallet eo dezho bout stanket un hent 'zo just chouk ar chanter. E keit se 'kendalc'he al labourioù da vont war-raok lec'h 'vo, hervez kont, savet ar greizenn gant Total-Direct Energie. labourioù hag 'zo bet adlañset e penn kentañ ar bloaz. Abaoe un nebeut bloavezhioù 'oa ar raktres o kousket met e miz Here tremenet 'oa prenet Direct Energie gant Total. Gant an embregerezh da dastum eoul mein ha da werzhañ dour tan eo bet adlanset ar raktres. Digwener beure 'oa un tregont den bennaket o souten ar re 'oa tapet o anvioù gant an archerien e miz Meurzh 'pa 'oa bet stanket un hent ganto. Selaouomp Anna 'oa bet o respont da c'houlennoù an archerien hag Alain deuet da souten e gamaladed. Gant Erwan Blanchard. Tost bemdez 'ya stourmerien "Force 5" ha "Landi dit Non a la centrale" war an dachenn 'ba Landi 'vit manifestiñ a-enep al labourioù 'zo kaset er mare 'mañ. 'Benn disadorn 'vo dalc'het ur vanifestadeg 'ba Landivizio gant ar c'hevredigezhioù 'zo o labourat war an dachenn. Emgav 'zo lakaet da 2e 'ba plasenn ar foar.