An UBAPAR eo Unvaniezh Breizh evit buheziñ ar broioù war ar maez. War ar maez end-eeun, rakkar 'vo dalc'het an devezhioù e Kergrist-Moeloù, 'tal kichen Rostrenn. Pa vez kistion deus ar binvioù niverel 'vez kaoz deus traoù a ra gant teknologiezhioù nevez, urzhiataerezioù, pellgomzerioù, pe se. Ha pep hini ac'hanomp koulz lâret zo bet tapet gant se abaoe un nebeud bloavezhioù, daoust pegen pell e soñj an nen bezañ deus an deknologiezh. Petore plas zo d'ar binvioù nevez-mañ en hom buhez? Peseurt implij anezhe a ra vad pe ar ra gaou da bep hini? Penaos derc'hel un tamm galloud war se? Setu goulennoù dalabourat warne asambles. Maelle Ausias zo e karg deus an dudi e brezhoneg ha gallaoueg evit an UBAPAR. Un tamm kinnig ganti ouzh mikro Tugdual Karluer.