Digwener paset oa bet Enora e welet ur perukenner un tammig ispisial, a zo e labourat e Pondi. Un 30 benneg anehe a vez e troc'hañ blev ar pratikoù, pep hani n'eus e mod d'ober. Alies 'wach 'vez traoù a-vremañ ur seurt, ha berpet get produoù kimik. Estroc'h evit unan, Nicolas Derveaux. Pa oe yaouankoc'h en doe kroget da droc'hañ blev e mignoned punk er garach, ha war lec'h aet d'ober tro ar bed, e sizaioù geton evit gellet eskemm get an dud. Ar paotr a zo a Sant-Inan (e-kichen Mur). Digoret en deus e saloñs 4 blez 'zo, ha ur sapre souezhadenn oe gwellout penaos e laboura. Aet oe Enora get Christophe Guillew, mallus oe geton bout troc'het e blev.