Hirie 'mañ devezh ar stourm evit gwirioù ar merc'hed. Abaoe 1977 'vez roet ton bep bloaz d'an devezh etrevroadel-mañ gant ajañs an ONU evit an ingalded etre paotred ha merc'hed. 'Wezhioù memes tra 'vez rebechet d'an degouezh bezañ muioc'h simbolek evit politikel. Hep mont betek penn all ar bed 'vat, zo savet a bep sort traoù hirie evit lidañ ar stourm ha n'eo ket hepken gwirioù ar merc'hed 'vat. Gant ur stroll kevredigezhioù 'oa klasket bountañ war ar merc'hed da guitaat o labour adalek peder eur met ugent goude merenn da skouer, kement ha disklêriañ an disparti etre gobroù ar merc'hed hag ar baotred. Met traoù bihan pe bihanoc'h a vez ivez, evel ur fest deiz en Ti ar Vro e Gwengamp hirie da greisteiz, ma zo bet desachet kalzig a dud, ur souezh. Ha war al leurenn, merc'hed hepken, ral an dra pa vez gwelet ar perzh bihan a vez dezhe, gwashoc'h c'hoazh marteze e bed ar muzik hengounel. Patricia 'oa o kemer perzh, un toullad gerioù ganti. deus mikro Tugdual Karluer