Disorc'hioù dilennadegoù studierien Breizh 'zo o paouez 'bout embannet. Ga'r FAGE eo aet ar maout 'ba Breizh a-bezh. Ga 42 % eus ar votoù e Aodoù an Arvor hag Il-ha-Gwilen ha tost da... 70 % e Morbihan ha Penn ar Bed ! Dav lâr memes tra 'zo bet minioc'h get 9 den diwar 10 'zo chomet hep mont da votiñ. Kentoc'h eus an tu dehoù eo ar FAGE e gwirionez, met 'pezh 'oa bet lakaet war-well ganti 'oa kentoc'h ur bern traoù war ul live kevredigezhel, kuit d'or politikerezh 'giz ma lâront lod eus he c'hannaded. Cheñchamanchoù 'zo 'ba Roazhon 2 neuze : ga'r FAGE zo aet muioc'h a votoù 'get strollad « l'Armee de Dumbledore » 'zo diskennet d'an eil blas gant 34 % eus ar votoù. Pell dirag an UNEF, re an tu dehoù pellañ an UNI. ha listennad Unvaniezh Studierien Breizh. Savet un tamm war'r primm, pal al listennad-mañ 'oa lakaat war well stourm ar brezhoneg hag ar c'hallaoueg hag hini an adunvanidigezh war tachenn ar C'hROUS ivez. War dachennoù all 'mañ o vont da genderc'hel tud al listennad da stourm. Gant ar gevredigezh Kejadenn da skouer, peotramant oc'h adkomer stourm Brezhoneg er skolveur. Hag evel just evit kregiñ 'benn disadorn 'ba straedoù Roazhon ga'r vanifestadeg 'vit an Adunvanidigezh. Anton Agues-Breteche 'oa war al listennad-se. E soñj 'mañ vont da lâr deomp doc'h mikro Gwenvael Delanoe.